Блізкай(аму) чалавеку прызначылі суд, што рабіць?

У гэтым артыкуле вы знойдзеце:

Што важна ведаць аб судзе?

  • Суд мусіць адбыцца на працягу 72 гадзін пасля затрымання. Аднак калі чалавек была(ў) затрыманая(ны) ў пятніцу (распаўсюджаная практыка), то суд пройдзе толькі ў панядзелак.
  • Даведацца пра расклад суда можна непасрэдна ў будынку суда на інфармацыйным стэндзе раскладу або патэлефанаваўшы ў канцылярыю. Таксама на сайце Вярхоўнага суда ёсць электронны расклад (абнаўляецца не заўсёды аператыўна), за якім можна сачыць. Таксама пра час суда можа даведацца ў адвакаткі(та), з якой(ім) заключана дамова аб абароне блізкага чалавека.
  • Вы можаце прысутнічаць на судзе ў блізкага чалавека, калі суд не праходзіць у закрытым рэжыме. Дзеля гэтага трэба з'явіцца з пашпартам.
  • Калі суд прызначыў штраф, то адпускаюць у дзень суда.
  • Калі суд прызначыў суткі, то адлік ідзе з моманту затрымання (часам у пратаколе пазначаны час +/- 2 гадзіны ад часу затрымання). Атрымаць дакладную інфармацыю пра суткі і з якога моманту ідзе адлік можна ўзяўшы пастанову. Але вельмі часта адмаўляюць і кажуць, што выдадуць пастанову толькі адвакатцы(ту) ці самой(ому) затрыманай(аму) асабіста.

Чаму сваякам важна быць на судзе?

  • Эфект падтрымкі для падсуднай(ага): суддзя на пытанне аб прысутнасці родных адкажа станоўча.
  • У выпадку прысуджэння арышту сваякі адразу ж змогуць падаць на абскарджанне.
  • Магчыма, удасца ўбачыць затрыманую(ага) па відэасувязі і пераканацца, што яна (ён) у парадку.

Правілы ў судзе

  • Суды пачынаюць сваю працу а 9:00.
  • Пасяджэнні адкрытыя. Вы можаце прысутнічаць на судах.
  • Пры сабе трэба мець пашпарт.
  • Пажадана не мець колюча-рэжучых і іншых прадметаў, якія пры аглядзе могуць прызнацца небяспечнымі (напрыклад, газавыя балончыкі).
  • Таксама не рэкамендуем мець сімволіку, якую ўлады прызнаюць забароненай (бела-чырвона-белыя і жоўта-блакітныя сцягі ці колер адзення, шкарпэтак у такіх спалучэннях, палітычныя надрукі на майках, татуіроўкі на бачных частках цела і інш.).
  • У суд забаронены ўваход у шортах.
  • Таксама не рэкамендуецца ляжаць на лаўках у судзе.

Важна: рэкамендуюць карыстацца паслугамі адвакатак(аў).

 

Чытайце таксама:

Логотип Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.

Калі вам патрэбная кансультацыя і падтрымка

Звяжыцеся з нашымі аператаркамі

phone_call_fill Званок Чат