Выклікаюць на допыт як сведку ў Следчы камітэт, што рабіць?

У гэтым артыкуле вы знойдзеце:

Як паводзіць сябе на допыце?

Сведка выклікаецца на допыт позвай. У ёй павінна быць указана, хто і ў якой якасці выклікаецца, да каго і па якім адрасе, час яўкі на допыт, а таксама наступствы няяўкі без уважлівых прычын.

Позва ўручаецца выкліканай асобе пад подпіс. Для выклікання на допыт могуць быць выкарыстаны і іншыя сродкі сувязі.

Вы маеце права настойваць на належным апавяшчэнні (позва, СМС), матывуючы тым, што не можаце пераканацца ў асобе і пасадзе чалавека і асцерагаецеся за сваю бяспеку. Тут галоўнае не перастарацца, бо могуць скласці пратакол за непадпарадкаванне.

Калі вас выклікаюць на допыт як сведку ў Следчы камітэт у Беларусі, вам трэба азнаёміцца з некаторымі правіламі, каб пісьменна іі бяспечна даць паказанні.

Крок 1.

Падрыхтуйцеся да допыту: калі вы разумееце (мяркуеце), з-за чаго вас могуць выклікаць, магчыма, гэта сігнал, і вам трэба тэрмінова пакінуць краіну (у эвакуацыі дапамагае BYSOL). Пачысціце «небяспечныя» перапіскі, сацыяльныя сеткі, адпішыцеся ад «непажаданых» акаўнтаў ва ўсіх сацсетках.

Крок 2.

Будзьце ветлівыя са следчай(ым) і іншымі ўдзельніцамі(камі) працэсу, нават калі вы не згодныя з іх дзеяннямі ці меркаваннямі.

Крок 3.

Адказвайце толькі на тыя пытанні, у якіх вы ўпэўненыя. Не саромейцеся сказаць «не ведаю» ці «не памятаю», калі не можаце ўзгадаць інфармацыю.

Думайце аб наступствах сваіх адказаў, любы з іх можа аказацца вырашальным. Часта ў следства недастаткова доказаў, і вашае прызнанне можа легчы ў аснову абвінавачання і стаць прычынай для пераследу і арышту (не толькі вашага, але і вашых знаёмых). Не прыдумляйце гісторый і не фантазіруйце, гэта толькі вас заблытае. Найлепшая тактыка абароны – не дапамагаць следству сваім прызнаннем і карыстацца канстытуцыйнымі правамі.

Калі вы не ўпэўненыя ў сваіх адказах ці не ведаеце, што адказаць, можаце папрасіць следчага даць вам час на роздум.

Памятайце, паводле арт. 27 Канстытуцыі вы маеце права не сведчыць супраць сябе і сваіх блізкіх.

Важна

Не ўступайце ў палеміку, не расказвайце таго, чаго ў вас не пытаюцца, не гаварыце шчыра, паколькі гэта можа нашкодзіць вам і блізкім. Вас на допыце могуць ашукваць, блефаваць, пагражаць, могуць маніпуляваць вамі. Таму чым менш вы скажаце, тым лепей.

Ці патрэбная(ы) адвакатка(ат)?

Калі вы выкліканы на допыт у якасці сведкі, вам можа быць карысна звярнуцца да адвакаткі(та), якая(і) дапаможа вам падрыхтавацца да допыту і дасць парады па дачы паказанняў. Або звяртайцеся да праваабарончых арганізацый, анлайн-сэрвісаў юрыдычнай дапамогі:

Памятайце, што вы маеце права на абарону і што вы не абавязаны даваць паказанні, якія могуць нашкодзіць вам ці вашым блізкім.

Нагадваем: калі вы разумееце (мяркуеце), з-за чаго вас могуць выклікаць, магчыма, гэта сігнал, і тады вам трэба тэрмінова пакінуць краіну.

 

Чытайце таксама:

Логотип Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.

Калі вам патрэбная кансультацыя і падтрымка

Звяжыцеся з нашымі аператаркамі

phone_call_fill Званок Чат