Крокі, якія вы можаце зрабіць:
Крок 1.
Паспрабуйце атрымаць максімум інфармацыі пра тое, што адбылося. Звяжыцеся з афіцыйнымі органамі, адміністрацыяй турмы, з любымі іншымі даступнымі крыніцамі. Адміністрацыя турмы павінна прыняць меры для забеспячэння бяспекі зняволенага, у тым ліку магчымае ўзмоцненае назіранне, перагляд умоў зняволення і г.д.
Крок 2.
Звяжыцеся з адвакаткай(ам) палітзняволенай(ага), якая(і) можа пракансультаваць па далейшым крокам, а таксама дапамагчы ў атрыманні інфармацыі пра бягучую сітуацыю, стан здароўя і магчымыя дзеянні.
Крок 3.
Юрыдычная дапамога: звярніцеся ў праваабарончыя арганізацыі і анлайн-сэрвіс юрыдычнай дапамогі. Яны могуць даць інфармацыю, парады, дапамагчы іншым чынам:
- Праваабарончы цэнтр «Вясна»;
- LegalHub - падаюць бясплатныя юрыдычныя кансультацыі;
- By Help - арганізацыя, якая аказвае падтрымку і дапамогу палітычным зняволеным (можна кансультавацца пра медыцынскую дапамогу);
- Фонд медыцынскай салідарнасці Беларусі;
- Лекары за праўду і справядлівасць – кансультуюць па медыка-сацыяльнай дапамозе пацярпелых беларусак(аў) і ажыццяўляюць праваабарончую дзейнасць у галіне правоў пацыентаў. Просяць звязвацца з імі праз электронную пошту: doctorsby.com@gmail.com.
Крок 4.
Сітуацыя можа быць эмацыйна цяжкай. Звяртайцеся па псіхалагічную падтрымку для сябе і іншых блізкіх, калі гэта неабходна.
Крок 5.
Апублікаваць гісторыю ў сацыяльных сетках, звярнуцца ў СМІ, каб прыцягнуць да сітуацыі ўвагу грамадскасці і стварыць ціск на асоб, адказных за стан здароўя затрыманых.
Важна разумець: публікацыя гісторыі ў сацыяльных сетках, у СМІ можа не вырашыць праблему, а толькі пагоршыць становішча. Ёсць сведчанні, што пасля гэтага палітвязням у зняволенні робіцца яшчэ цяжэй.
Чытайце таксама:
- Як знайсці адвакатку(та) для чалавека, якую(ога) затрымалі?
- Дзе знайсці грошы на аплату адвакаткі(та)?
- Як звязацца з праваабаронцамі?
Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.