Крокі, якія вы можаце зрабіць:
Крок 1.
Звяжыцеся з адвакаткай(ам) палітзняволенай(ага). Яна (ён) можа пракансультаваць па далейшым крокам, а таксама дапамагчы ў атрыманні інфармацыі пра бягучую сітуацыю, стан здароўя і магчымыя дзеянні.
Крок 2.
Юрыдычная дапамога: звярніцеся ў праваабарончыя арганізацыі і анлайн-сэрвісы юрыдычнай дапамогі. Яны могуць даць інфармацыю, парады, дапамагчы іншым чынам.
- Праваабарончы цэнтр «Вясна»;
- LegalHub - падаюць бясплатныя юрыдычныя кансультацыі;
- By Help - арганізацыя, якая аказвае падтрымку і дапамогу палітычным зняволеным (можна кансультавацца пра медыцынскую дапамогу);
- Фонд медыцынскай салідарнасці Беларусі;
- Лекары за праўду і справядлівасць – кансультуюць па медыка-сацыяльнай дапамозе пацярпелых беларусак(аў) і ажыццяўляюць праваабарончую дзейнасць у галіне правоў пацыентаў. Просяць звязвацца з імі праз электронную пошту: doctorsby.com@gmail.com.
Крок 3.
Таксама можна звярнуцца ў медыцынскія арганізацыі, дзе працуюць лекары і медыцынскі персанал, якія спецыялізуюцца на лячэнні людзей, што абвясцілі галадоўку або медыцынскую забастоўку, каб атрымаць кансультацыю і рэкамендацыі адносна далейшых дзеянняў.
Важна памятаць
Абвяшчэнне галадоўкі ці медыцынскай забастоўкі – гэта сур'ёзны крок, які можа негатыўна адбіцца на здароўі зняволенага, таму неабходна звярнуцца па дапамогу як мага хутчэй.
Чытайце таксама:
- Як знайсці адвакатку(та) для чалавека, якую(ога) затрымалі?
- Дзе знайсці грошы на аплату адвакаткі(та)?
- Як звязацца з праваабаронцамі?
Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.