Крокі, якія вы можаце зрабіць:
Крок 1.
Паспрабуйце атрымаць максімум інфармацыі пра тое, што адбылося. Звяжыцеся з афіцыйнымі органамі, адміністрацыяй турмы, з любымі іншымі даступнымі крыніцамі. Памятайце, што запыты ў адміністрацыю шпіталя ці іншай установы аховы здароўя, куды трапіла(ў) палітзняволеная(ы), могуць рабіць толькі сваякі палітвязняў.
Крок 2.
Звяжыцеся з адвакаткай(ам) палітзняволенай(ага), якая(і) можа пракансультаваць па далейшым крокам, а таксама дапамагчы ў атрыманні інфармацыі пра бягучую сітуацыю, стан здароўя і магчымыя дзеянні.
Крок 3.
Юрыдычная дапамога: звярніцеся ў праваабарончыя арганізацыі і анлайн-сэрвісы юрыдычнай дапамогі. Яны могуць даць інфармацыю, парады, дапамагчы іншым чынам.
- Праваабарончы цэнтр «Вясна»;
- LegalHub - падаюць бясплатныя юрыдычныя кансультацыі;
- By Help - арганізацыя, якая аказвае падтрымку і дапамогу палітычным зняволеным (можна кансультавацца пра медыцынскую дапамогу);
- Фонд медыцынскай салідарнасці Беларусі;
- Лекары за праўду і справядлівасць – кансультуюць па медыка-сацыяльнай дапамозе пацярпелых беларусак(аў) і ажыццяўляюць праваабарончую дзейнасць у галіне правоў пацыентаў. Просяць звязвацца з імі праз электронную пошту: doctorsby.com@gmail.com.
Крок 4.
Сітуацыя можа быць эмацыйна цяжкай. Звяртайцеся па псіхалагічную падтрымку для сябе і іншых блізкіх, калі гэта неабходна.
Важна памятаць
Пры атрыманні інфармацыі пра стан блізкай(га) зважайце на крыніцы інфармацыі. Важна атрымліваць дакладныя і пацверджаныя дадзеныя. Таксама важна дзейнічаць асцярожна і з улікам канкрэтных абставін. Юрыдычная і псіхалагічная дапамога могуць быць каштоўнымі інструментамі ў падтрымцы вашай(га) блізкай(га) ў такой складанай сітуацыі.
Чытайце таксама:
- Як знайсці адвакатку(та) для чалавека, якую(ога) затрымалі?
- Дзе знайсці грошы на аплату адвакаткі(та)?
- Як атрымаць псіхалагічную дапамогу ў Беларусі?
Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.