У гэтым артыкуле вы знойдзеце:

Час прыёму СІЗА медыцынскіх перадач.

Важна: ва ўсіх СІЗА забаронена перадача медыцынскіх рэчываў за выключэннем вітамінаў, мінеральных комплексаў і імпартнага інсуліну. Досвед адпраўкі медыцынскіх прэпаратаў у калоніі сведчыць пра тое, што палітычным зняволеным часта адмаўляюць у прыёме такіх медыцынскіх перадач.

 

Медыцынскія перадачы ў СІЗА прымаюцца толькі ў пэўны час.

Час прыёму ў розных СІЗА:

  • СІЗА-1, г. Мінск: панядзелак з 9:00 да 11:00.
  • Следчая турма-8, г. Жодзіна: чацвер з 10:00 да 12:00.
  • СІЗА-3, г. Гомель: серада і пятніца з 14:00 да 15:00.
  • Следчая турма-4, г. Магілёў: штодня ў 12:45 за 15 хвілін.
  • СІЗА-7 г. Брэст: праз лекара (сваякі ідуць да яго, гавораць аб праблемах, і ён дазваляе ці не).
  • Следчая турма-1, г. Гродна: аўторак і чацвер з 11:30 да 12:00.

 

Правілы медыцынскай перадачы

Што пры сабе мець

Неабходна толькі заява па ўзоры звычайнай перадачы (варта дапісаць «Медыцынская»). Пашпарт не патрабуюць, але раім яго мець з сабой.

Адразу ідзіце ў пакой для перадач і там займайце жывую чаргу.

 

Абмежаванні па вазе

Для медыцынскіх перадач іх няма, яны не ўваходзяць у агульную вагу. Гэта трэба памятаць, бо ў некаторых установах супрацоўнікі парушаюць закон.

 

Правілы ўпакоўкі

Мазі і іншыя лекі з цюбіка ці шкла трэба перакласці ў пластыкавы 

слоічак для аналізаў.

Пластмасавыя акуляры без шкла і металічных дужак зняволеным можна адправіць і праз медыцынскую перадачу, і праз медбандэроль. Бывае, што падследным іх не аддаюць, але да асуджаных яны даходзяць.

 

Аптэчка палітзняволеных

Аптэчку палітзняволенай(аму) рэкамендуецца сабраць адразу, як толькі яна (ён) трапіла(ў) у СІЗА. Памятайма, што медыцынскія прэпараты імпартнай вытворчасці ў СІЗА забароненыя (акрамя імпартнага інсуліну і вітамінных комплексаў).

Мы рэкамендуем рабіць спробы адпраўляць медыкаменты палітвязням.

 

Трэба пакласці:

  • лекі, якія прымаюцца пры хранічных захворваннях;
  • заспакаяльныя (валяр'янка, фенібут, наафен, афабазол і інш.);
  • лекі для страўніка (смекта, амепразол, алмагель);
  • лекі ад кішэчных расстройстваў;
  • абязбольвальныя і гарачкапаніжальныя,
  • супрацьзапаленчыя;
  • лекі ад ціску;
  • лейкапластыр.

У халодны час года важна перадаваць лекі ад прастуды.

Трэба пакласці:

  • супрацьвірусныя;
  • таблеткі ад болю ў горле,
  • таблеткі, парашкі ад кашлю (тыпу АЦЦ);
  • кроплі ад катару;
  • мазь ад герпесу (ацыклавір).

Палітвязням трэба перадаваць вітаміны ўсіх груп.

Трэба пакласці:

  • вітамін D3,
  • вітамін С,
  • усю групу вітамінаў В,
  • Амега-3,
  • кальцый і інш.

Некаторыя палітвязні дзеляцца лайфхакам: можна перадаваць вітаміны для цяжарных, бо там вялікая доза на таблетку. Асаблівую ўвагу варта надаць вітамінам для зроку і суставаў. Рэкамендуецца перадаваць гіялуронавыя кроплі для ўвільгатнення вачэй і курсы терафлексу.

Тым, хто праходзіць ЦІП/ІЧУ, дзе людзей утрымліваюць на голым бетоне ў карцэры, а таксама праз маларухомы лад жыцця ў СІЗА і ў турмах, пажадана адразу перадаць лекі ад гемарою (напрыклад, свечкі і крэм «Рэліф»).

Важна: у некаторых калоніях цяпер прымаюць лекі толькі ад беларускіх вытворцаў.

Як перадаць рэцэптурныя лекі?

Рэцэптурныя лекі перадаюцца толькі з дазволу лекара, калі ёсць выпіс з медыцынскай карты. У адваротным выпадку палітзняволенай(аму) трэба звярнуцца да турэмных лекараў, якія выпішуць рэцэпт, а ўжо пасля яна (ён) вышле яго поштай таму, хто будзе перадаваць лекі.

Важна: пры сабе лепш мець рэцэпт (зрабіце копію, калі ў аптэцы захочуць забраць арыгінал, а не копію).

 

Як перадаць медыцынскі прыбор?

Такія пытанні вырашаюцца індывідуальна ў дачыненні да кожнай(ага) палітзняволенай(ага) праз начальніка СІЗА (загадчыка санітарнай часці). Медыцынскія прыборы прымаюцца па рэцэпце, напрыклад танометр для вымярэння ціску. У медыцынскую перадачу або бандэроль можна пакласці акуляры з пластыкавымі лінзамі (без шкла і металічных дужак).

 

Чаго дакладна не прымуць?

Дакладна не прымуць; 

  • рэцэптурных лекаў без рэцэпту;
  • лекаў імпартнай вытворчасці, акрамя інсуліну (у СІЗА);
  • лекаў ў шкляных слоіках, у жалезных цюбіках;
  • ватнах палачак;
  • вільготных сурвэтак;
  • зубной ніткі.

 

Важна памятаць

  • Для рэцэптурных лекаў пры сабе лепш мець рэцэпт (зрабіце копію, калі ў аптэцы захочуць забраць арыгінал, а не копію).
  • Кусачкі для пазногцяў прымаюць толькі ў медыцынскай перадачы. Важна, каб у іх не было пілачкі.
  • Аднаразовыя пластыкавыя зубачысткі з зубной ніткай (флосеры) могуць прыняць таксама ў медыцынскай перадачы, але не ва ўсіх установах.

 

Калі неабходна фінансавая падтрымка ў набыцці лекаў і медыцынскага абсталявання для палітвязняў, можна звярнуцца ў НДА і праваабарончыя ініцыятывы па інфармацыю аб такой дапамозе. Напрыклад, Littowin LIONS CLUB і By Help.

 

Матэрыял падрыхтаваны на падставе Практычнага дапаможніка па перадачах для зняволеных Праваабарончага цэнтру «Вясна».

 

Чытайце таксама:

Логотип Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.

Калі вам патрэбная кансультацыя і падтрымка

Звяжыцеся з нашымі аператаркамі

phone_call_fill Званок Чат