Калі затрыманы чалавек мае групу інваліднасці і не атрымлівае неабходнай дапамогі падчас зняволення, сітуацыя патрабуе хуткага і дакладнага рэагавання.
Вось некалькі крокаў, якія можна зрабіць
Крок 1.
Звярнуцца да адвакаткі(та) ці ў праваабарончую арганізацыю. Пажадана адразу атрымаць дапамогу спецыялістак(аў), якія змогуць ацаніць сітуацыю, кансультаваць па правах затрыманай(га) і прыняць меры для забеспячэння яе (яго) правоў.
- Праваабарончы цэнтр «Вясна»;
- LegalHub - падаюць бясплатныя юрыдычныя кансультацыі;
- By Help - арганізацыя, якая аказвае падтрымку і дапамогу палітычным зняволеным (можна кансультавацца пра медыцынскую дапамогу);
- Фонд медыцынскай салідарнасці Беларусі;
- Лекары за праўду і справядлівасць – кансультуюць па медыка-сацыяльнай дапамозе пацярпелых беларусак(аў) і ажыццяўляюць праваабарончую дзейнасць у галіне правоў пацыентаў. Просяць звязвацца з імі праз электронную пошту: doctorsby.com@gmail.com.
Калі ёсць група інваліднасці, таксама можна звярнуцца ў ГА «Рэспубліканская асацыяцыя інвалідаў-вазочнікаў» па тэлефоне +375 17 307 22 92.
Крок 2.
Зрабіць афіцыйныя запыты аб стане здароўя затрыманай(ага), аказанні неабходнай медыцынскай дапамогі і іншых патрэбаў.
Крок 3.
Звярнуцца ў пракуратуру і Дэпартамент выканання пакарання (ДВП) МУС са скаргай на адсутнасць медыцынскай дапамогі і неналежнага абыходжання з затрыманай(ым) з групай інваліднасці.
Крок 4.
Збіраць доказы па сітуацыі: паказанні сведак, медыцынскія запісы, фатаграфіі і іншыя дакументы, якія могуць пацвердзіць адсутнасць неабходнай дапамогі чалавеку з інваліднасцю.
Крок 5.
Вы можаце апублікаваць гісторыю ў сацыяльных сетках, звярнуцца ў СМІ, каб прыцягнуць да сітуацыі ўвагу грамадскасці і стварыць ціск на асоб, адказных за стан здароўя затрыманых.
Важна разумець: публікацыя гісторыі ў сацыяльных сетках, у СМІ можа не вырашыць праблему, а толькі пагоршыць становішча. Ёсць сведчанні, што пасля гэтага палітвязням у зняволенні робіцца яшчэ цяжэй.
У выпадку надзвычайнай сітуацыі трэба дзейнічаць з асцярожнасцю і пісьменна, каб гарантаваць бяспеку людзям з інваліднасцю.
Чытайце таксама:
- Як знайсці адвакатку(та) для чалавека, якую(ога) затрымалі?
- Што можна перадаваць у калонію ці турму?
- Што можна перадаваць у СІЗА?
- Як звязацца з праваабаронцамі(камі)?
Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.