Як атрымаць псіхалагічную дапамогу ў Літве?

У арганізацыях, якія дапамагаюць (анлайн)

  • Краіна для жыцця – праект псіхалагічнай дапамогі «Псіхолаг побач». Звярнуцца па дапамогу – @stranafund_psy_Bot.

Праект арыентаваны на беларусаў і беларусак, якія маюць жаданне павысіць якасць свайго жыцця, вырашыць якія-небудзь праблемы ці канфлікты. Сюды могуць звярнуцца сваякі палітвязняў; усе, хто падпаў пад рэпрэсіі з боку дзяржавы; беларусы і беларускі, якія маюць патрэбу ў псіхалагічнай падтрымцы; актывісты і супрацоўнікі розных ініцыятываў і арганізацыяў.

  • Лекары за праўду і справядлівасць – даюць псіхалагічную падтрымку для пацярпелых ад рэжыму дарослых і дзяцей. Просяць звязвацца з імі праз электронную пошту: doctorsby.com@gmail.com.

  • Яна/Ёй – ініцыятыва аказвае дапамогу беларускам унутры і за межамі краіны па пытаннях дыскрымінацыі і гвалту ў адносінах да жанчын;

  • Сэрвіс еЗдароўе – праект накіраваны на дапамогу людзям, якія адчуваюць недахоп медыцынскай дапамогі (у тым ліку псіхалагічнай) праз бягучую палітычную і эпідэміялагічную сітуацыю ў Беларусі.

  • ДАВЕР – бясплатная псіхалагічная дапамога беларускам(ам) і ўкраінкам(цам). Гэта бот, які дапамагае звязаць псіхолагаў і звярнуўшыхся людзей. Калі вам патрэбна дапамога, пераходзьце па спасылцы, націскайце «Пачаць» → «Патрэбна псіхалагічная дапамога».

  • Беларускі Жаночы Фонд – прапануе бясплатную псіхалагічную дапамогу кожнай жанчыне, якая пацярпела ад палітычнага становішча ў Беларусі. Запыт афармляецца праз ліст на электронную пошту: helpline@belaruswomen.org.

  • Клініка Samopomoch (Віленскі цэнтр псіхічнага здароўя) – бясплатна абслугоўваюць украінак(цаў) і беларусак(аў), якія ўцяклі са сваіх краін ад вайны і рэпрэсій. Аказваюць псіхалагічную, медыцынскую дапамогу, прымаюць пацыентаў любога ўзросту і працуюць на ўкраінскай і расейскай мовах.
    Адрас: Vasaros g., 5; +37067202735.
    Рабочы графік: панядзелак – серада (11:00–19:00), чацвер – пятніца (8:00–16:00).

  • Цэнтр інфармацыі па міграцыі «Я абіраю Літву» –  дае да дзесяці бясплатных кансультацый з псіхолагам. Каб запісацца на кансультацыю, напішыце ліст на psicholagas@iom.int. Коратка апішыце сваю праблему і ўкажыце найбольш прыдатны час для кансультацыі. Пасля рэгістрацыі з вамі звяжацца спецыяліст.

  • Dapamoga – грамадская валанцёрская арганізацыя беларусак і беларусаў у Літве.

  • Razam – фонд дапамогі беларускам і беларусам у Літве.

Можна запісацца ў групу псіхалагічнай падтрымкі альбо замовіць дапамогу псіхолага. Ёсць іншыя віды падтрымкі.

  • Vilnius Healthier – віленскае бюро грамадскага здароўя.

       Індывідуальныя кансультацыі псіхолага: psichologai@vvsb.lt.

 

Тэлефоны даверу і службаў псіхалагічнай дапамогі

  • Тэлефон даверу ў Літве: 880077277 (магчыма расейская мова).

  • Кругласуткавы тэлефон даверу Чырвонага Крыжа (магчыма на расейскай): 111.

  • Цэнтр крызіснага кіравання: 864051555.

  • Кругласуткавая псіхалагічная дапамога (магчыма на расейскай): 116123.
  • Кругласуткавая лінія дапамогі крызіснага і кансультацыйнага цэнтра «Skalbes»: 67222922 або 27722292.

Чытайце таксама:

Логотип Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.

Калі вам патрэбная кансультацыя і падтрымка

Звяжыцеся з нашымі аператаркамі

phone_call_fill Званок Чат