У гэтым артыкуле вы знойдзеце:
- Што могуць дазволіць у СІЗА/турме?
- Што рабіць, калі адмаўляюць у доступе да святара, ксяндза і інш.?
Што могуць дазволіць у СІЗА/турме?
Па ўзгадненні з адміністрацыяй вернікам можна перадаваць прадметы рэлігійнага культу: іконы, ружанец, малітоўнік. У некаторых калоніях дзейнічае турэмная царква, ёсць пасада турэмнага святара ў СІЗА, турэмныя малельныя пакоі.
Што рабіць, калі адмаўляюць у доступе да святара, ксяндза і інш.?
Калі вернікам-палітвязням адмаўляюць у доступе да святара, ксяндза, пастара ці рэлігійных рытуалаў, існуе шэраг крокаў, якія можна зрабіць для дапамогі.
Крок 1.
Паведамце адвакатцы(ту), і яна (ён) зможа звярнуцца да кампетэнтных органаў, каб запытаць доступ да рэлігійных дзеячаў і рытуальных прадметаў.
Крок 2.
Паспрабуйце ўсталяваць кантакт з прадстаўніцамі(камі) адпаведнай рэлігійнай супольнасці, такімі як святары, ксяндзы, пастары ці іншыя духоўныя лідэры. Яны могуць быць гатовыя даць духоўную падтрымку палітвязням, нават калі яны не маюць непасрэднага доступу да іх у месцах няволі.
Крок 3.
Звяжыцеся з адміністрацыяй пенітэнцыярнай установы і ўдакладніце, ці ёсць механізмы для забеспячэння рэлігійных патрэбаў затрыманых. Яны могуць мець правілы і працэдуры для доступу да духоўных лідэраў або правядзення рэлігійных рытуалаў.
Крок 4.
Калі ўзнікаюць цяжкасці з забеспячэннем доступу да рэлігійных паслуг, збярыце доказы рэлігійных перакананняў затрыманай(ага). Гэта можа ўключаць пісьмовыя заявы, пасведчанні аб сяброўстве ў рэлігійнай абшчыне і іншыя пацверджанні.
Крок 5.
Звярніцеся да рэлігійных арганізацый і суполак, якія аказваюць духоўную падтрымку зняволеным. Яны могуць даць рэкамендацыі ці дапамогу ў сітуацыі.
Хрысціянская візія – група, у якую ўваходзяць прадстаўніцы(кі) розных канфесій, што займаюцца маніторынгам пераследаў на падставах, звязаных з рэлігіяй, і падтрымкай. Да іх можна звярнуцца праз чат-бот у Telegram.
Чытайце таксама:
- Як дапамагчы палітвязням, калі адмовіліся дапамагаць сваякі?
- Як пакласці грошы палітвязням на рахунак?
- Што можна перадаваць у СІЗА?
Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.