У гэтым артыкуле вы знойдзеце:
- Хто і ў які час можа перадаць перадачу?
- Чаго нельга перадаваць у ІЧУ?
- Чаго нельга перадаваць у ЦІП?
- Што можна перадаваць у ІЧУ/ЦІП?
Хто і ў які час можа перадаць перадачу?
Перадаць перадачу ў ізалятар часовага ўтрымання (ІЧУ) і цэнтр ізаляцыі правапарушальнікаў (ЦІП) могуць толькі родныя з прад'яўленнем пашпарта: маці, бацька, сястра, брат, муж, жонка, дзеці, дзядуля, бабуля.
Калі няма магчымасці зрабіць перадачу блізкім родным, спрабуйце праз стрыечных братоў і сясцёр, з аднолькавым прозвішчам або імем па бацьку. У крайнім выпадку праз знаёмых або сацсеткі можна шукаць аднафамільцаў.
Важна ведаць: на жаль, ёсць практыка, што перадачы могуць не прыняць, альбо прыняць, але не аддаць. Таму рэкамендуецца ўдакладняць праз адвакатак(аў), ці атрымала(аў) палітзняволеная(ы) вашую перадачу. Калі ж не, то можна спрабаваць рабіць запыты ў адміністрацыю і ўдакладняць, на якой падставе пасылка не была перададзеная чалавеку.
Час прыёму:
- ІЧУ: чацвер з 10:00 да 17:00 (заява);
- ЦІП: чацвер з 10:00 да 17:00 (форма акта).
Чаго нельга перадаваць у ІЧУ?
У ІЧУ для затрыманых па адміністрацыйных артыкулах не прымаюць:
- асадак, алоўкаў (маркераў, фламастараў і г.д.);
- малочкі/кісламалочкі, гарбаты, кавы, цукру, спецый;
- сыру (перадавалі толькі вэнджаны);
- цыгарэтаў;
- запальнчічак і запалак;
- брытваў
- нататнікаў на кольцах;
- грабенчыкаў з металічнымі зубцамі.
Чаго нельга перадаваць у ЦІП?
У ЦІП для затрыманых па адміністрацыйных артыкулах не прымаюць:
- садавіны;
- гародніны;
- малочкі і кісламалочкі, гарбаты, кавы, цукру, спецый;
- сыру;
- усіх вадкасцяў ў непразрыстых бутэльках і шкле; сокі могуць папрасіць пераліць з тэтрапака наўпрост на месцы ў пластыкавую бутэльку.
Што можна перадаваць у ІЧУ і ЦІП?
Прадметы гігіены і адзенне:
● туалетная папера;
● зубная паста, зубная шчотка;
● мыла (можна парэзаць на некалькі частак, каб дзяліцца або скараціць вагу перадачы);
● маленькі ручнік;
● вільготныя сурвэткі;
● папяровыя сурвэткі;
● гель-душ, шампунь;
● дэзадарант (не спрэй, не шкло);
● гігіенічныя пракладкі, тампоны;
● шкарпэткі, трусы;
● пластмасавы грабенчык, гумка для валасоў;
● адзенне і абутак па сезоне (усё павінна быць без шнуркоў);
● сшыткі, канверты, кнігі, часопісы, сканворды;
● стрыжні, асадкі шарыкавыя ў празрыстым корпусе, алоўкі і размалёўкі.
Ежа і напоі:
● печыва, вафлі, цукеркі, шакалад (без абгортак), хлебабулачныя вырабы;
● сухафрукты (без костачак) і арэхі;
● вэнджаныя каўбасы, мяса і сала (якое не хутка псуецца);
● вада, сокі, чай у пакеціках, кава растваральная 3 у 1;
● цыгарэты, запалкі (перасыпаць з пачка ў пакет).
Усе прадукты харчавання мусяць быць з тэрмінам прыдатнасці або датай пакупкі. Для вызначэння гэтых тэрмінаў, перасыпаючы ў празрысты пакет, пакладзіце і упакоўку або бірку з датамі.
Усе прадукты харчавання, што былі прынятыя ў перадачы або паступілі ў пасылцы, да ўручэння іх зняволеным падвяргаюцца дагляду.
Хлебабулачныя, рыбныя і каўбасныя вырабы разразаюцца на некалькі частак. Вадкія прадукты пераліваюцца, кансервы адкрываюцца і перакладаюцца ў іншы посуд. Сыпкія прадукты харчавання (цукар) перасыпаюцца. Цукеркі, вафлі, печыва прымаюцца толькі ў разгорнутым выглядзе, без абгортак. Пачкі з цыгарэтамі, папяросамі, тытунём адкрываюцца і перадаюцца россыпам у пакеце. Пры гэтым прадукты харчавання не павінны страціць сваіх спажывецкіх якасцяў.
Абавязкова праверце тэрмін прыдатнасці прадуктаў. Вазьміце фасовачныя пакеты і невялікія пластыкавыя празрыстыя ёмістасці, калі трэба пераліваць нешта на месцы.
Максімальная вага перадачы – 5 кг за адзін раз, за месяц – да 30 кг.
Чытайце таксама:
- Як знайсці адвакатку(та) для чалавека, якую(ога) затрымалі?
- Дзе знайсці грошы на аплату адвакаткі(та)?
- Што можна перадаваць у СІЗА?
Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.