Пра нас

Змест:

Хто мы?

Служба «Адно Акно» – інфармацыйна-кансультацыйная платформа, дзе будзе сабрана ўся інфармацыя аб магчымай дапамозе для людзей, якія пацярпелі ад палітычных рэпрэсій у Беларусі.

Зручная і бяспечная платформа, дзе вы можаце:

Усе вашыя запыты будуць перанакіраваныя ў адзіны кол-цэнтр і апрацаваныя. Вы атрымаеце кансультацыю па відам дапамогі ў той краіне, дзе вы знаходзіцеся. Калі вы ў Беларусі, мы дапаможам вам зарыентавацца і акажам падтрымку.
Мы не ведаем адказаў на ўсе пытанні, але будзем побач, пакуль вы вырашаеце сваю праблему.
Таксама на нашай платформе сабраныя карысныя матэрыялы, рэкамендацыі з пакрокавымі інструкцыямі.

Чэк-ліст па бяспецы – мы просім вас азнаёміцца з ім, каб вы разумелі, як мы працуем.

Служба «Адно Акно» – гэта праект, ініцыяваны Прадстаўніцтвам па сацыяльнай палітыцы Аб'яднанага Пераходнага Кабінета Беларусі, які быў распрацаваны ў адказ на шматлікія запыты аб дапамозе.

Прадстаўніцтва вырашае адну з важных задач - каардынацыя і павышэнне эфектыўнасці ўсіх відаў дапамогі ўразлівым сацыяльным групам, з фокусам на падтрымку беларускіх палітычных зняволеных і іх блізкіх, а таксама шырокага кола пацярпелых ад палітычных рэпрэсій у Беларусі.

У перспектыве «Адно Акно» стане адзіным інфармацыйна-кансультацыйным цэнтрам для беларусак і беларусаў, дзе будзе сабраная ўся інфармацыя пра магчымую сацыяльную дапамогу.

Для каго мы працуем?

Служба «Адно Акно» збірае інфармацыю аб магчымай дапамозе для:

  • Палітычных зняволеных і іх сем'яў; палітычных зняволеных, што выйшлі на волю;
  • Людзей, якія трапілі пад палітычныя рэпрэсіі.

Палітычныя зняволеныя

  • Людзі, якія прызнаныя палітычнымі зняволенымі і знаходзяцца ў месцах зняволення;
  • Людзі, якія атрымалі абмежаванне волі (з накіраваннем у ВУАТ або на «хатнюю хімію»);
  • Людзі, якія пазбаўленыя волі па палітычных матывах, але не прызнаныя праваабарончымі кааліцыямі палітвязнямі.

Падрабязней чытайце ў матэрыялах «Хто такая(і)  палітычная(ы) зняволеная(ы)?» і «Як прызнаць блізкую(ага) «палітвязняволенай(ым)?».

Палітычныя зняволеныя, што вызваліліся

  • Людзі, якія былі прызнаныя палітычнымі зняволенымі,
  • Людзі, якія былі пазбаўленыя волі па палітычных матывах, але не былі прызнаныя палітвязнямі;,
  • Людзі, якія атрымалі абмежаванне волі (з накіраваннем у ВУАТ або на «хатнюю хімію») і былі вызваленыя па сканчэнні тэрміну пакарання альбо эвакуіраваны, не адбыўшы пакарання.

Якія трапілі пад масавыя рэпрэсіі

Людзі, якія сутыкнуліся з палітычнымі рэпрэсіямі пасля выбараў 2020 года і праз свае палітычныя погляды былі:

  • звольненыя, паніжаныя ў пасадзе, адлічаныя з устаноў адукацыі;
  • затрыманыя і адсядзелі суткі па адміністрацыйным правапарушэнні;
  • вымушаныя рэлакавацца, эвакуіравацца ў іншыя краіны;
  • падвергліся пагрозам і пераследу з боку аўтарытарнага рэжыму і інш.

Служба «Адно Акно» – праект, які дапаможа дзясяткам тысяч людзей, калі яны апынуліся ў складанай сітуацыі і цяпер не ведаюць, што рабіць і дзе шукаць дапамогу.

 

Логотип Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.

Даведкавы цэнтр:

...