Як пакласці грошы на рахунак зняволеных?

У гэтым артыкуле вы знойдзеце:

Пакрокавая інструкцыя

Важна: грашовыя пераводы палітычным зняволеным, прысужданым да пазбаўлення волі, могуць адпраўляць толькі іх сваякі.

Да вынясення прысуду ў следчых ізалятарах (СІЗА) палітычныя вязні могуць атрымліваць пераводы ад любога чалавека.

Крок 1.

Звярніцеся да арганізацый, якія падтрымліваюць сем'і і палітычных зняволеных, такі як:

  • Фонд «Краіна для жыцця» – аказваюць дапамогу беларускім палітвязням;
  • Politzek.me – платформа абароны правоў і інтарэсаў беларускіх палітычных зняволеных; таксама падтрымліваюць іх сем'і (у тым ліку фінансава);
  • Dissidentby.com – аказваюць дапамогу і падтрымку палітычным зняволеным і іх сем'ям (фінансавую і з перадачамі);
  • Праваабарончы цэнтр «Вясна» і інш.

Яны даюць фінансавую, прававую, кансультацыйную падтрымку сем'ям палітычных зняволеных. Звярніцеся да гэтых арганізацый для атрымання інфармацыі пра даступныя праграмы дапамогі.

Крок 2.

Фінансавыя пераводы

Для падтрымкі зняволеных да ўступлення прысуду ў сілу (чалавек у СІЗА) любы чалавек можа зрабіць грашовы перавод праз пошту ці з беларускай карты праз інтэрнэт-банкінг. Рэквізіты для пераводаў можна знайсці на сайтах Dissidentby.com і Праваабарончы цэнтр «Вясна».

Важна адзначыць, што такая магчымасць абмежавана картам іншых дзяржаў.

Крок 3.

Як заставацца ананімным

Пры пераводзе праз пошту неабавязкова ўказваць сваё імя. У адпаведнасці з законам аб абароне персанальных дадзеных вы не абавязаныя прадастаўляць свой пашпарт пры адпраўцы. Аднак для вяртання пераводу, калі палітвязень яго не атрымаў, можа спатрэбіцца прад'яўленне пашпарта.

Крок 4.

Падтрымка і салідарнасць

Калі вы пазначылі сваё імя пры пераводзе, зняволены ўбачыць, хто яго падтрымаў, і гэта будзе з'яўляцца праявай вашай салідарнасці.

Грошы, якія паступілі на асабісты рахунак зняволенага, могуць быць выкарыстаныя ім для пакупкі неабходных рэчаў або прыемных дробязяў у «атаварцы» (турэмнай краме), такіх як канверты, прадукты харчавання і інш.

Перавод сродкаў у калонію

Калі зняволенага этапірцюўь у калонію, сродкі з ягонага асабістага рахунку ў СІЗА пяройдуць на яго рахунак у калоніі. Падтрымка палітычных зняволеных перад апеляцыяй дапамагае ім адправіцца ў калонію са сродкамі на рахунку, якія можна выкарыстоўваць на асабістыя патрэбы.

Ці можна пераводзіць сродкі асобам з «тэрарыстычнага спісу»?

Асобам, унесеным у гэты спіс, забароненыя грашовыя пераводы.

Важна ведаць: калі вы захочаце зрабіць перавод чалавеку з «тэрарыстычнага спісу», да вас могуць узнікнуць пытанні за фінансаванне тэрарыстычнай дзейнасці, як гэта было з праваабаронцай Настай Лойкай.

Атаварка і крамы ў калоніях

Трэба ўлічваць, што зняволеныя маюць магчымасць набываць тавары ў крамах унутры калоній і ўстаноў выканання пакаранняў. Тавары і прадукты харчавання, такія як гігіенічныя сродкі, макароны, кашы, прысмакі і вяршковае масла, могуць набывацца на рэгулярнай аснове.

Важна падтрымліваць сувязь з арганізацыямі і людзьмі, якія могуць даць неабходную дапамогу і кансультацыю па ўсім аспектам падтрымкі палітычных вязняў і іх сем'яў.

 

Чытайце таксама:

Логотип Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.

Калі вам патрэбная кансультацыя і падтрымка

Звяжыцеся з нашымі аператаркамі

phone_call_fill Званок Чат