Перасячэнне мяжы з непаўналетнім дзіцём. Якія патрэбны дакументы і хто павінен суправаджаць?

Абноўлена:

peresechenie-granitsy-Belarusi-s-nesovershennoletnim-rebenkom.jpg

Выезд з краіны з непаўналетняй(ім) - няпростая задача, рашэнне якой патрабуе дакладнай падрыхтоўкі. Адзін з самых важных аспектаў - гэта дакументы. Бо калі не ўлічыць усе юрыдычныя нюансы, паездка можа не адбыцца.

З гэтага артыкула вы даведаецеся, хто можа суправаджаць непаўналетнюю(га) і якія пры ёй (ім) павінны быць дакументы для паспяховага праходжання мяжы Рэспублікі Беларусь.

Якія дакументы павінны быць у дзіцяці?

  • Пашпарт ці іншы дакумент, што дазваляе выезд з краіны і ўезд у яе.

Увага! Каб пазбегнуць праблем на мяжы, фатаграфія ў пашпарце павінна прыкладна адпавядаць узросту дзіцяці.

Хто можа суправаджаць непаўналетнюю(га) і якія дакументы трэба пры гэтым мець?

Непаўналетняя(і) можа перасякаць мяжу з рознымі мэтамі: турызм, экскурсіі, спаборніцтвы, адпачынак, эміграцыя і г.д. Суправаджаць дзіця могуць таксама розныя людзі: адна(дзін) з бацькоў або абодва бацькі, бабулі, сёстры, трэнеркі(ы) і г.д. Для кожнай асобнай сітуацыі прадугледжваецца свой пакет дакументаў.

  • Абодва бацькі. Ім трэба мець дакумент, які пацвярджае статус законнай(га) прадстаўніцы(ка): пасведчанне аб нараджэнні ці пашпарт са штампам з запісам пра дзіця.
  • Адзін з бацькоў. Таксама дакумент, які пацвярджае статус законнай(га) прадстаўніцы(ка). Згоды другой(га) з бацькоў не патрабуецца.
  • Трэція асобы. Гэта могуць быць іншыя сваякі, напрыклад бабулі ці сёстры, а таксама класныя кіраўнікі і да т.п. У такім выпадку патрабуецца пры сабе мець натарыяльна завераную згоду абодвух бацькоў (у некаторых выпадках можна толькі аднаго - гл. ніжэй).
  • Апекун(ша) або папячыцель(ніца). Трэба падаць пасведчанне аб удачарэнні (усынаўленні) альбо іншыя дакументы, што пацвярджаюць статус апякункі(на).
  • Аздараўленчая (медыцынская) арганізацыя. Згода на выезд ад адной(го) з законных прадстаўнікоў і дакументы, якія пацвярджаюць афіцыйны статус арганізацыі.
  • Класны(ая) кіраўнік(ніца) або трэнер(ка). Калі непаўналетняя(і) выязджае на экскурсію або спаборніцтвы, спатрэбіцца дазвол ад абодвух бацькоў.
  • Самастойна. Дзіця таксама можа само перасячы мяжу. Для гэтага неабходна падрыхтаваць пісьмовыя згоды ад абодвух бацькоў.

Здараецца, што адзін з бацькоў супраць выезду непаўналетняй(га) за мяжу. У такім выпадку ён можа звярнуцца ў суд. Каб пераканацца, што ў дзіцяці няма падобных абмежаванняў, звярніцеся ў падраздзяленне па грамадзянстве і міграцыі па месцы рэгістрацыі. Адказ на такі запыт даецца бясплатна ў дзень звароту (максімум на наступны).

У якіх выпадках пісьмовая згода можа быць толькі ад адной(го) законнай(га) прадстаўніцы(ка)?

У выпадку, калі дзіця едзе з трэцімі асобам (бабулямі, трэнер(к)амі, класнай(ым) кіраўніцай(ком)) або самастойна, звычайна патрабуецца згода ад абодвух бацькоў. Аднак сустракаюцца выключэнні:

  • калі другі(ая) з бацькоў памёр(ла) ці без вестак знік(ла). Трэба падаць дакумент, які пацвярджае гэта (даведку з суда, пасведчанне аб смерці ці копію рашэння суда аб прызнанні без вестак адсутным);
  • калі другі(ая) з бацькоў недзеяздольны(ная) або пазбаўлены(а) бацькоўскіх правоў. Для пацверджання гэтага неабходны копіі рашэння суда;
  • калі такое права атрымана ў судовым парадку. Патрабуецца копія рашэння суда аб магчымасці выезду дзіцяці без згоды іншага законнага прадстаўніка;
  • калі маці дзіцяці прызнана самотнай. Патрабуецца копія даведкі з загса;
  • калі другі(ая) з бацькоў знаходзіцца ў крымінальным вышуку. У такім разе трэба падаць даведку з органа, што вядзе следчы працэс;
  • калі такая згода ўключана ў шлюбную дамову.

Дзе мажліва засведчыць ліст аб згодзе на выезд дзіцяці?

Згоду на выезд ад бацькоў неабходна засведчыць натарыяльна, інакш яна не будзе мець юрыдычнай сілы і на мяжы яе не прымуць.

Засведчыць згоду можна:

  • у натарыуса (асобы, якая ўпаўнаважана выконваць натарыяльныя дзеянні);
  • у падраздзяленні па грамадзянстве і міграцыі.

Калі дакумент выдадзены замежнай дзяржавай, то яго трэба апастыляваць, а калі ён на замежнай мове - перакласці з натарыяльным сведчаннем.

Калі вы падаеце копіі дакументаў, то іх таксама неабходна натарыяльна засведчыць.

Які дакумент можна прадставіць для пацверджання статусу апякункі(на)?

  • Пасведчанне аб удачарэнні (усынаўленні) або копію рашэння суда аб удачарэнні (усынаўленні) непаўналетняй(га).
  • Пасведчанне на права рэпрэзентаваць інтарэсы падапечнай(га).
  • Дагавор аб умовах выхавання і ўтрымання дзяцей.
  • Копію рашэння органа апекі і папячыцельства аб устанаўленні апекі (папячыцельства) над непаўналетняй(ім) і прызначэнні грамадзянкі(ніна) яе (яго) апякункай(ам) або папячыцелькай(ем).

Нелегальнае перасячэнне мяжы з дзіцём

Людзям, якія сутыкнуліся з палітычным пераследам, можа быць небяспечна праходзіць праз афіцыйныя пагранічныя службы. Як у такім выпадку дзейнічаць?

Падрыхтуйце па магчымасці ўсе дакументы - на сябе і на дзіця (пашпарт; пацвярджэнне статусу законнай(га) прадстаўніцы(ка)).

Запоўніце форму ад BySol (праз VPN), і спецыялісты пракансультуюць вас па ўсіх пытаннях, а таксама складуць план і дапамогуць эвакуіравацца з Беларусі.

Увага! Аптымальны варыянт - перасекчы нелегальна мяжу самастойна, а дзіця адправіць асобна. Важна пры гэтым загадзя падрыхтаваць для яго неабходныя дакументы (гл. «Хто можа суправаджаць непаўналетнюю(га) і якія дакументы трэба пры гэтым мець?»).

Нарматыўна-прававая база:

  • гл. 3 Закона ад 20.09.2009 г. № 49-З «Аб парадку выезду з Рэспублікі Беларусь і ўезду ў Рэспубліку Беларусь грамадзян Рэспублікі Беларусь»;
  • п. 1 Указа ад 03.06.2008 г. № 294 «Аб дакументаванні насельніцтва Рэспублікі Беларусь».

Чытайце таксама:

Логотип Інфармацыя на сайце сабрана з адкрытых крыніц. Калі вы знайшлі памылку ці даведаліся, што інфармацыя больш не актуальная - паведамце нам, калі ласка, праз наш чат.

Артыкулы ў гэтым раздзеле

Даведкавы цэнтр:

Прыклад: Блізкага затрымалі, як знайсці?
...